27 பிப்பிரவரி 2014 - பாரிட் புந்தார் செயிண்மேரி தமிழ்ப்பள்ளி மாணவர்கள் நால்வர் மாவட்ட நிலை சீருடை முகாமில் கலந்து கொண்டனர். இம்முகாம் புக்கிட் மேரா தேசியப்பள்ளியில் 21-23 பிப்பிரவரி வரை நடைபெற்றது.

தேசிய மாதக் கொண்டாட்ட நிறைவு விழா 2013

19  செத்தெம்பர் 2013 - பாரிட் புந்தார் செயிண்மேரி தமிழ்ப்பள்ளியில் இன்று தேசிய மாதக் கொண்டாட்ட நிறைவு விழா சிறப்பாக நடந்தேறியது. இக்கொண்டாட்ட மாதம் முழுமையும் நடைபெற்ற போட்டிகளின் வெற்றியாளர்களுக்குப் பரிசு வழங்கி சிறப்பிக்கப்பட்டன. வண்ணம் தீட்டும் போட்டி முதல் சிறந்த நாட்டுப்பற்று வகுப்பு எனும் போட்டி வரை அனைத்திலும் மாணவர்களின் பங்கேற்பு வரவேற்புக்குத் தக்கதாக அமைந்தது.

தேசிய மாதக் கொண்டாட்டம் 2013

19 ஆகத்து 2013 - பாரிட் புந்தார் செயிண்மேரி தமிழ்ப்பள்ளியில் இன்று தேசிய மாதக் கொண்டாட்ட விழா சிறப்பாகத் தொடங்கியது. பள்ளியின் பெற்றோர் ஆசிரியர் சங்கத் தலைவர் திரு.கா.சந்திரகாந்தன் இவ்விழாவினை சிறப்புரை ஆற்றி அதிகாரப்படியாகத் திறப்பு செய்தார். சுதந்திரம் பெற்ற கதை, மாணவர்களால் நாடகமாகப் படைக்கப்பட்டது. நாட்டுப்பற்றுப் பாடல்கள் பல பாடப்பட்டன. மாணவர்களும் தங்களின் மகிழ்ச்சியை வெளிக்காட்டும் வண்ணம் பல அளவிலான தேசியக் கொடிகளை ஏந்தியும் அசைத்தும் கொண்டாடினர்.